പ്രധാനമന്ത്രി നരേന്ദ്ര മോഡിക്കെതിരായ തേൾ പരാമർശവുമായി ബന്ധപ്പെട്ട ക്രിമിനൽ അപകീര്‍ത്തി കേസിൽ കോണ്‍ഗ്രസ് എംപി ശശി തരൂരിന് താൽക്കാലിക ആശ്വാസം. കേസിലെ വിചാരണ നടപടികൾ സുപ്രീം കോടതി നാലാഴ്ചത്തേക്ക് സ്റ്റേ ചെയ്തു. ജസ്റ്റിസുമാരായ ഹൃഷികേശ് റോയ്, എസ് വിഎന്‍ ഭട്ടി എന്നിവരടങ്ങിയ ബെഞ്ചാണ് കേസ് പരിഗണിച്ചത്. തരൂരിന്റെ ഹര്‍ജിയില്‍ മറുപടി നൽകാൻ ഡൽഹി പൊലീസിനും പരാതിക്കാരനും നാലാഴ്ചത്തെ സമയവും അനുവദിച്ചു.
ശിവലിംഗത്തില്‍ തേള്‍: വിചാരണ സ്റ്റേ ചെയ്തു
