പ്രധാനമന്ത്രി നരേന്ദ്ര മോഡിയുടെ പഞ്ചാബ് സന്ദർശനത്തിനിടെ ഉണ്ടായ സുരക്ഷാ വീഴ്ചയുടെ പശ്ചാത്തലത്തിൽ ഏഴ് പൊലീസ് ഉദ്യോഗസ്ഥർക്ക് സസ്പെൻഷൻ. കഴിഞ്ഞ വർഷമാണ് സംഭവമുണ്ടായത്. ഫിറോസ്പൂർ ജില്ലയിലെ അന്നത്തെ പൊലീസ് സൂപ്രണ്ടും രണ്ട് ഡിഎസ്പി റാങ്കിലുള്ള ഉദ്യോഗസ്ഥരും ഉള്‍പ്പെടെയുള്ളവരെയാണ് സസ്പെന്‍ഡ് ചെയ്തത്.
പഞ്ചാബിൽ നിയമസഭാ തെരഞ്ഞെടുപ്പിന് മുന്നോടിയായി റാലിയിൽ പങ്കെടുക്കുന്നതിനായി കഴിഞ്ഞ വർഷം ജനുവരിയിൽ പ്രധാനമന്ത്രി മോഡി എത്തിയപ്പോഴായിരുന്നു സംഭവം. പ്രധാനമന്ത്രിയുടെ വാഹനവ്യൂഹം 20 മിനിറ്റോളം മേൽപ്പാലത്തിൽ കുടുങ്ങിയിരുന്നുവെന്നാണ് കേസ്. ഇത് സുരക്ഷാ വീഴ്ചയാണെന്നാരോപിച്ചാണ് കേസ് രജിസ്റ്റര്‍ ചെയ്തത്. ഇതിന്റെ പശ്ചാത്തലത്തിൽ സുരക്ഷാവീഴ്ചയെക്കുറിച്ച് അന്വേഷിക്കാൻ സുപ്രീം കോടതി നിയോഗിച്ച സമിതിയുടെ റിപ്പോർട്ടിന്റെ അടിസ്ഥാനത്തിലാണ് ഉദ്യോഗസ്ഥരെ സസ്പെന്റുചെയ്തത്.
English Summary: Security breach during Prime Minister’s visit: Seven police officers suspended
You may also like this video
