കള്ളപ്പണം വെളുപ്പിക്കല്‍ കേസില്‍ ജുഡീഷ്യല്‍ കസ്‌റ്റഡിയില്‍ കഴിയുന്ന ഡിഎംകെ മന്ത്രി സെന്തില്‍ ബാലാജിയുടെ മന്ത്രി സ്ഥാനം സംബന്ധിച്ച ഹര്‍ജിയില്‍ പ്രതികരണവുമായി മദ്രാസ് ഹൈക്കോടതി. സെന്തില്‍ ബാലാജി മന്ത്രിസഭയുടെ ഭാഗമായി തുടരണമോ എന്ന കാര്യത്തില്‍ തീരുമാനിക്കേണ്ടത് തമിഴ്‌നാട് മുഖ്യമന്ത്രി എംകെ സ്‌റ്റാലിനാണെന്ന് മദ്രാസ് ഹൈക്കോടതി വ്യക്തമാക്കി.
കള്ളപ്പണം വെളുപ്പിക്കല്‍ കേസില്‍ സെന്തില്‍ ബാലാജിയുടെ ക്യാബിനറ്റ് മന്ത്രി സ്ഥാനം ചോദ്യം ചെയ്‌ത്‌ മുൻ എഐഎഡിഎംകെ എംപി ജെ ജയവര്‍ദ്ധൻ ഉള്‍പ്പെടെയുള്ളവര്‍ സമര്‍പ്പിച്ച ഹര്‍ജികളിലാണ് കോടതി പരാമര്‍ശിച്ചത്. ബാലാജി മന്ത്രിസഭയില്‍ തുടരുന്നത് ഭരണത്തിന്റെ സംശുദ്ധിയുടെ കാര്യത്തില്‍ നല്ല സൂചനയല്ലെന്നും കോടതി വ്യക്തമാക്കി. എന്നാല്‍, ഭരണഘടനാപരവും നിയമപരവുമായ വ്യവസ്ഥകള്‍ അനുസരിച്ച്‌ അന്തിമ തീരുമാനം മുഖ്യമന്ത്രിയുടേതാണെന്ന് കോടതി പറഞ്ഞു.
English Summary:Senthil Balaji’s ministerial position: Madras High Court says Chief Minister should decide
You may also like this video
