മൈത്രി ഒമാൻ കോർഡിനേഷൻ സമ്മേളനം സിപിഐ നേതാവ് സത്യൻ മൊകേരി ഉദ്ഘാടനം ചെയ്തു. ചുരുങ്ങിയ അവധി ദിവസങ്ങളിൽ നാട്ടിലേക്ക് വരുന്ന പ്രവാസികൾക്ക് സർക്കാർ ഓഫീസുകളിൽ നിന്ന് വേഗത്തിൽ സേവനങ്ങൾ ലഭ്യമാക്കാൻ സർക്കാർ അടിയന്തിര നടപടി സ്വീകരിക്കണമെന്ന് സമ്മേളനം പ്രമേയത്തിലൂടെ ആവശ്യപ്പെട്ടു.
സീസണുകളിൽ വിമാന കമ്പനികൾ പ്രവാസികളെ ചൂഷണം ചെയ്യുന്നത് തടയാൻ ഇടപെടണം എന്നും നാട്ടിൽ വർധിച്ചു വരുന്ന ലഹരി ഉപയോഗത്തിനെതിരെ കർശന നടപടി എടുക്കണം എന്നും സമ്മേളനം ആവശ്യപ്പെട്ടു.14 അംഗ കോർഡിനേഷൻ കമ്മിറ്റി നിലവിൽ വന്നു. സെക്രട്ടറിയായി ഷാജി കണിയാറാട്ടിലിനെയും അസിസ്റ്റന്റ് സെക്രട്ടറിയായി ബിനോയ് പ്രഭാകരനെയും സമ്മേളനം തെരഞ്ഞെടുത്തു. ഈ വർഷം ഒക്ടോബർ മാസത്തിൽ മൈത്രി ഒമാൻ ഒരു മെഗാ ഇവന്റ് സംഘടിപ്പിക്കുവാനും യോഗത്തിൽ തീരുമാനിച്ചു.