ജാര്‍ഖണ്ഡില്‍ നിയന്ത്രണം നഷ്ടപ്പെട്ട പിക്കപ്പ് മറിഞ്ഞ് ഏഴ് തൊഴിലാളികള്‍ മരിച്ചു. വ്യാഴാഴ്ച പുലര്‍ച്ചെ സറൈകേല‑ഖര്‍സവന്‍ ജില്ലയില്‍ ആണ് അപകടമുണ്ടായത്. ഗുരുതരമായി പരിക്കേറ്റ എട്ട് പേര്‍ ആശുപത്രിയില്‍ ചികിത്സയിലാണ്. സംഭവസ്ഥലത്ത് എത്തിയ പൊലീസും നാട്ടുകാരും ചേര്‍ന്നാണ് രക്ഷാപ്രവര്‍ത്തനം നടത്തിയത്.
രാജ്നഗര്‍-ചൈബാസ റോഡില്‍ 30 തൊഴിലാളികളുമായെത്തിയ പിക്കപ്പ് ഖൈര്‍ബാനി ഗ്രാമത്തിന് സമീപമാണ് നിയന്ത്രണം വിട്ട് മറിയുകയായിരുന്നു. സ്ത്രീകളുള്‍പ്പെടെ ഏഴ് തൊഴിലാളികള്‍ സംഭവസ്ഥലത്ത് മരിച്ചു. പന്ത്രണ്ടോളം തൊഴിലാളികള്‍ക്ക് അപകടത്തില്‍ പരിക്കേറ്റത്.അതേസമയം എട്ട് പേരുടെ നില ഗുരുതരമാണെന്നാണ് റിപ്പോര്‍ട്ട്. പരുക്കേറ്റവര്‍ രാജ്നഗര്‍ കമ്മ്യൂണിറ്റി സെന്ററില്‍ ചികിത്സയിലാണ്.
English Summary:Seven laborers killed, eight injured after pickup overturns in Jharkhand
You may also like this video
