മഹാരാഷ്ട്രയിലെ ധൂലെയില്‍ കുട്ടിയെ തട്ടിക്കൊണ്ടുപോയെന്ന സംശയത്തില്‍ ഏഴ് നാടോടികളെ തല്ലിക്കൊന്ന കേസില്‍ അഞ്ച് പേര്‍ക്ക് ജീവപര്യന്തം തടവ്. 2018ലാണ് നാഥ് പന്തി ദവാരി ഗൊസാവി വിഭാഗത്തില്‍പ്പെട്ട അഞ്ച് പേരെ മര്‍ദ്ദിച്ച് കൊലപ്പെടുത്തുന്നത്. സംഭവത്തില്‍ 35 പേര്‍ക്കെതിരെ കേസെടുത്തിരുന്നു. എന്നാല്‍ തെളിവുകളുടെ അഭാവത്തില്‍ 28 പേരെ കുറ്റവിമുക്തരാക്കുകയായിരുന്നു.
കുട്ടിയെ തട്ടിക്കൊണ്ടുപോയെന്ന വ്യാജവാര്‍ത്ത പ്രചരിച്ചതിന് പിന്നാലെയാണ് സംഭവമുണ്ടായത്. ആയുധങ്ങളുമായെത്തിയ സംഘം നാടോടിക്കൂട്ടത്തെ വളയുകയും ആക്രമണം അഴിച്ചുവിടുകയുമായിരുന്നു. മര്‍ദിച്ച് അവശരാക്കിയശേഷം ഇവരെ ഒരു മുറിയില്‍ അടച്ചിടുകയും ചെയ്തു. പരിക്കേറ്റ ഇവര്‍ പിന്നീട് മരണത്തിന് കീഴടങ്ങുകയായിരുന്നു.
English Summary:Seven nomads beaten to death case: Five get life imprisonment
You may also like this video
