അരുണാചല്‍പ്രദേശിലെ ഇന്ത്യ‑ചൈന അതിര്‍ത്തിക്ക് സമീപത്തുനിന്ന് കാണാതായ 19 തൊഴിലാളികളില്‍ ഏഴ് പേരെ കണ്ടെത്തി. ഇന്ത്യൻ വ്യോമസേന ഹെലികോപ്റ്ററുകളിലായി നടത്തിയ തിരച്ചിലില്‍ ഹുരിക്ക് സമീപമുള്ള ദാമനിൽ വച്ച് വെള്ളിയാഴ്ചയാണ് തൊഴിലാളികളെ കണ്ടെത്തിയത്. കുറുങ് കുമേ ജില്ലയിലെ അതിര്‍ത്തി റോഡില്‍ നിര്‍മ്മാണ ജോലിയിലേര്‍പ്പെട്ടിരുന്ന അസം തൊഴിലാളികളെ ഈ മാസം അഞ്ചിനാണ് കാണാതായത്. ഇവരില്‍ ഒരാളുടെ മൃതദേഹം കുമേ നദിയില്‍ നിന്നും കണ്ടെത്തിയിരുന്നു.
ഈദ് അൽ അദ്ഹ ആഘോഷിക്കാൻ അസമിലേക്ക് മടങ്ങാൻ കരാറുകാരൻ സമ്മതിക്കാഞ്ഞതിനെ തുടര്‍ന്നാണ് ക്യാമ്പുകളിൽ നിന്ന് പലായനം ചെയ്യാൻ തയാറായതെന്ന് രക്ഷപ്പെടുത്തിയ തൊഴിലാളികള്‍ പറഞ്ഞു. മൂന്ന് ഗ്രൂപ്പുകളായി തിരിഞ്ഞ് വ്യത്യസ്ത ദിശകളിലേക്കാണ് തങ്ങള്‍ പോയതെന്നും ഇവര്‍ പറഞ്ഞു. അവശനിലയിലായിരുന്ന തൊഴിലാളികളെ ആശുപത്രിയില്‍ പ്രവേശിപ്പിച്ചതായി പൊലീസ് പറഞ്ഞു. മറ്റുള്ളവര്‍ക്കായുള്ള തിരച്ചില്‍ തുടരുകയാണെന്നും പൊലീസ് അറിയിച്ചു.
English Summary:Seven of the 19 laborers who went missing from the border have been found
You may also like this video
