മുംബൈയിലെ ആന്‍ടോപ്പ് ഹിൽ ഏരിയയിൽ വീട് തകർന്നുവീണ് അപകടം. നിരവധിപേർ കുടുങ്ങി കിടക്കുന്നതായി സംശയം. ചൊവ്വാഴ്ച രാവിലെ എട്ടുമണിക്ക് ശേഷമായിരുന്നു അപകടം. ആന്‍ടോപ്പ് ഹില്ലിലെ ജയ് മഹാരാഷ്ട്ര നഗറിലെ ഇരുനിലകെട്ടിടം തകർന്നുവീഴുകയായിരുന്നു.
കെട്ടിടാവശിഷ്ടങ്ങൾക്കിടയിൽനിന്ന് ഒമ്പതുപേരെ ഇതുവരെ രക്ഷപ്പെടുത്തിയതായി രക്ഷാപ്രവർത്തകർ അറിയിച്ചു. അപകടത്തിൽ ഏഴുപേർക്ക് പരിക്കേറ്റിട്ടുണ്ട്. പരിക്കേറ്റവരെ തൊട്ടടുത്ത ആശുപത്രിയിൽ പ്രവേശിച്ചു. കെട്ടിടാവശിഷ്ടങ്ങൾക്കുള്ളിൽ എത്രപേർ കുടുങ്ങി കിടക്കുന്നുണ്ടെന്ന വിവരം വ്യക്തമല്ല.
അഗ്നിരക്ഷാ സേനയുടെ നാലു വാഹനങ്ങൾ സംഭവ സ്ഥലത്തെത്തി. സുരക്ഷ സേനയുടെയും പൊലീസിന്‍റെയും നേതൃത്വത്തിലാണ് രക്ഷാപ്രവർത്തനം.
english summary;Seven people were injured in Mumbai house collapse
you may also like this video;
