കടുത്ത വയറുവേദനയുമായി എത്തിയ 49 കിലോ ഭാരമുള്ള യുവതിയുടെ വയറ്റില് കണ്ടെത്തിയത് 15 കിലോ ഭാരമുള്ള ഭീമന് മുഴ. മധ്യപ്രദേശിലെ ഇൻഡോറിലാണ് സംഭവം. ഇൻഡോറിലെ ഇൻഡക്സ് ആശുപത്രിയിൽ എത്തിയ ആഷ്ത എന്ന യുവതിയുടെ വയറ്റിലാണ് ഈ ഭീമന് മുഴ കണ്ടെത്തിയത്. പന്ത്രണ്ടോളം ഡോക്ടർമാർ രണ്ടു മണിക്കൂറിലേറെ നീണ്ട ശസ്ത്രക്രിയയ്ക്ക് ഒടുവിലാണ് ഇവരുടെ വയറ്റിൽനിന്നും മുഴ നീക്കിയത്.
അതീവ ജാഗ്രതയോടെയാണ് 41കാരിയുടെ ശസ്ത്രക്രിയ പൂർത്തീകരിച്ചതെന്നും ശസ്ത്രക്രിയ ചെയ്ത സംഘത്തിലുണ്ടായിരുന്ന ഡോ.അതുൽ വ്യാസ് പറഞ്ഞു. മുഴ നിരവധി നാഡികളാൽ ചുറ്റപ്പെട്ട് കിടക്കുകയായിരുന്നെന്നും വളരെ നേരത്തെ പരിശ്രമത്തിനൊടുവിലാണ് പുറത്തെടുത്താന് കഴിഞ്ഞതെന്ന് ഡോക്ടർ പറഞ്ഞു.
വയറ്റിൽ നീരുവീക്കത്തിനും ഭാരം കൂടുന്നതിനും കാരണമായി. കൂടാതെ മുഴ പൊട്ടാറായ നിലയിലായിരുന്നെന്നും ഇത് വൻ അപകടം വിളിച്ചുവരുത്തിയേനെയെന്നും ഡോക്ടർ പറഞ്ഞു. നിലവിൽ യുവതി അപകടനില തരണം ചെയ്തെന്നും ഡോക്ടർമാർ അറിയിച്ചു.
English Summary; severe abdominal pain; A 41-year-old woman has a 15 kg tumor in her stomach
You may also like this video
