ഫ്രാൻസിസ്‌ മാർപാപ്പയുടെ ആരോഗ്യനില സങ്കീർണമായി തുടരുന്നു. രണ്ട് ശ്വാസകോശങ്ങളിലും കടുത്ത ന്യുമോണിയ ബാധിച്ചിട്ടുണ്ട്. ആന്റിബയോട്ടിക് ചികിത്സ തുടരുകയാണ്. ശ്വാസകോശ അണുബാധയുണ്ടായതിനെ തുടർന്ന് കഴിഞ്ഞ 14നാണ് മാര്‍പ്പാപ്പയെ റോമിലെ ആശുപത്രിയിൽ പ്രവേശിപ്പിച്ചത്. ഫ്രാൻസിസ്‌ മാർപാപ്പയ്ക്ക് ഡോക്ടർമാർ പൂർണവിശ്രമം നിർദേശിച്ചിരുന്നു.
ഞായറാഴ്‌ചത്തെ പ്രാർഥനയ്‌ക്ക്‌ നേതൃത്വം വഹിച്ചിരുന്നില്ല. ശനിയാഴ്‌ചയോടെ പനികുറഞ്ഞെന്നും ആഹാരം കഴിച്ചുതുടങ്ങിയതായും വത്തിക്കാൻ അറിയിച്ചെങ്കിലും ഇന്നലെ രാത്രി പുറത്ത് വിട്ട വാർത്താ കുറിപ്പിൽ ആരോഗ്യ നില സങ്കീർണമാണെമന്ന് അറിയിക്കുകയായിരുന്നു. ഈ മാസം ആറിന് മാർപാപ്പയ്ക്ക് ബ്രോങ്കൈറ്റിസ്‌ സ്ഥിരീകരിച്ചിരുന്നു. ആരോഗ്യ നില മെച്ചപ്പെടുന്നതുവരെ ആശുപത്രിയിൽ തുടരുമെന്നാണ്‌ റിപ്പോർട്ട്‌. മാർപ്പാപ്പയുടെ വരും ദിവസങ്ങളിലെ എല്ലാ പരിപാടികളും അറിയിപ്പ് ഉണ്ടാകുന്നത് വരെ റദ്ദക്കിയതായി വത്തിക്കാൻ അറിയിച്ചു.