യുകെയിലെ ലങ്കാഷെയറില് അഞ്ച് സഹപ്രവര്ത്തകരെ ലൈംഗികമായി പീഡിപ്പിച്ച കേസില് പ്രതിയായ ഇന്ത്യന് ഡോക്ടര്ക്ക് ഇന്ന് ശിക്ഷ വിധിക്കും. ഹൃദ്രോഗ വിദഗ്ധനായ അമല് ബോസിനാണ് ഇന്ന് ശിക്ഷ വിധിക്കുന്നത്. ഇയാള്ക്കെതിരെ കൂടുതല് വെളിപ്പെടുത്തലുകളും പുറത്ത് വന്നതായി റിപ്പോര്ട്ടുകള് വ്യക്തമാക്കുന്നുണ്ട്. ലങ്കാഷെയറിലെ ബ്ലാക്ക് പൂള് വിക്ടോറിയ ആശുപത്രിയില് ജോലി ചെയ്യുമ്പോഴാണ് അഞ്ച് സഹപ്രവര്ത്തകരെ ലൈംഗികമായി പീഡിപ്പിച്ചത്. ഈ കേസില് അമല് ബോസ് കുറ്റക്കാരനെന്ന് കോടതി കണ്ടെത്തി.
സ്ത്രീകളെ ലൈംഗീകമായി അധിക്ഷേപിക്കുന്ന കമന്റുകളും ഇയാള് പറയാറുണ്ടായിരുന്നു. മേലുദ്യോഗസ്ഥനായതിനാല് ചോദ്യം ചെയ്യാനും പ്രതികരിക്കാനും എല്ലാവരും മടിച്ചു. ചെറുപ്പക്കാരികളായ സ്ത്രീകളെ മാത്രമായിരുന്നു ഇയാളുടെ ലക്ഷ്യം. ശസ്ത്രക്രിയയ്ക്ക് സഹായിക്കുന്ന ആരോഗ്യപ്രവര്ത്തകയെയും അമല് ബോസ് കയറിപ്പിടിച്ചിരുന്നതായി പരാതിയുണ്ട്. കേസില് കോടതി ഇന്ന് ശിക്ഷ വിധിക്കും.