ജോലിക്കിടയില് നൃത്തം പരസ്യമായി നൃത്തം ചെയ്ത എസ്ഐക്ക് സസ്പെൻഷൻ. ഇടുക്കി ശാന്തൻപാറ അഡീഷണൽ എസ് ഐ കെ സി ഷാജിക്കെതിരെയാണ് നടപടി. എസ്റ്റേറ്റ് പൂപ്പാറയിലെ ക്ഷേത്ര ഉത്സവ ഡ്യൂട്ടിക്കിടെയാണ് സംഭവം. ഉത്സവത്തില് ക്രമസമാധാന പാലനത്തിന് എത്തിയതായിരുന്നു എസ്ഐ. ഇതിനിടെ മാരിയമ്മ കാളിയമ്മ എന്ന തമിഴ് ഗാനം കേട്ടതോടെ എസ് ഐ സ്വയം മറന്ന് നൃത്തം ചെയ്യുകയായിരുന്നു.
നൃത്തം നീണ്ടു പോയതോടെ, നാട്ടുകാര് എസ്ഐയെ പിടിച്ചു മാറ്റി. നാട്ടുകാര് പകര്ത്തിയ ദൃശ്യങ്ങള് സമൂഹമാധ്യമത്തിലൂടെ പുറത്തുവന്നിരുന്നു. തുടർന്ന് ശാന്തൻപാറ സിഐ അന്വേഷണം നടത്തി റിപ്പോർട്ട് സമർപ്പിച്ചു. എറണാകുളം റേഞ്ച് ഡിഐജി ആണ് സസ്പെൻഡ് ചെയ്തത്.
English Summary: shanthanpara si idukki has been suspended
You may also like this video