ഇന്ത്യൻ അസോസിയേഷൻ ഷാർജയിലും ഷാർജ ഇന്ത്യൻ സ്‌കൂൾ,അൽ ഇബ്തിസാമ സ്‌കൂൾ എന്നിവിടങ്ങളിലും ഇന്ത്യയുടെ 75-ാം റിപ്പബ്ലിക് ദിനാഘോഷ പരിപാടികൾ നടന്നു. അസോസിയേഷനിൽ ഇന്ത്യൻ കോൺസുലേറ്റിലെ ലേബർ കൗൺസൽ ഉത്തം ചന്ത് ദേശീയ പതാക ഉയർത്തി രാഷ്ടപതിയുടെ റിപ്പബ്ലിക് ദിന സന്ദേശം വായിച്ചു. പ്രസിഡണ്ട് നിസാർ തളങ്കര അദ്ധ്യക്ഷത വഹിച്ചു. ജനറൽ സെക്രട്ടറി ശ്രീപ്രകാശ് പുറയത്ത് സ്വാഗതവും ട്രഷറർ ഷാജി ജോൺ നന്ദിയും പറഞ്ഞു. ദുബൈ ഇന്ത്യൻ കോൺസുലേറ്റും ഷാർജ ഇന്ത്യൻ അസോസിയേഷനും ചേർന്ന് തൊഴിലാളികൾക്ക് പ്രഭാത ഭക്ഷണം കിറ്റുകൾ വിതരണം ചെയ്തു. ഷാർജ ഇന്ത്യൻ സ്‌കൂളിലും അൽ ഇബ്തിസാമ സ്‌കൂളിലും അസോസിയേഷൻ പ്രസിഡണ്ട് നിസാർ തളങ്കര പതാക ഉയർത്തി.
ഷാർജ ഇന്ത്യൻ സ്‌കൂളിൽ സ്‌കൗട്ട്‌സ് ആന്റ് ഗൈഡ്‌സിന്റെ ബാന്റ് മേള അകമ്പടിയോടെയാണ് അതിഥികളെ വരവേറ്റത്. ദ്വാരക ന്യഡൽഹി പ്രിൻസിപ്പലും സി.ബി.എസ്.ഇ മാസ്‌ററർ ട്രെയിനറുമായ ഡോ. മനീഷ ഷർമ്മ മുഖ്യാതിഥിയിരുന്നു.വിവിധയിടങ്ങളിൽ നടന്ന ചടങ്ങുകളിലായി ജോയിന്റ് ജനറൽ സെക്രട്ടറി ജിബി ബേബി, ജോയിന്റ് ട്രഷറർ പി കെ റജി,മാനേജിംഗ് കമ്മിറ്റി അംഗങ്ങളായ കെ കെ.താലിബ്,അനീഷ് എൻ.പി,മുരളീധരൻ എടമന,സജി മണപ്പാറ,ജെ.എസ്.ജേക്കബ്,യൂസഫ് സഹീർ,നസീർ കുനിയിൽ, സ്കൂൾസ് സി.ഇ.ഓ.കെ.ആർ.രാധാകൃഷ്ണൻ നായർ,പ്രിൻസിപ്പൽ പ്രമോദ് മഹാജൻ, വൈസ് പ്രിൻസിപ്പൽമാരായ രാജീവ് മാധവൻ,ഷിഫ്‌ന നസ്‌റുദ്ദീൻ അൽ ഇബ്തിസാമ പ്രിൻസിപ്പൽ ഇർഷാദ് ആദം തുടങ്ങിയവർ സംബന്ധിച്ചു.
English Summary;Sharjah Indian Association organized Republic Day celebrations
You may also like this video
