മകന്റെ ചികിത്സയ്ക്ക് സഹായം തേടി അസുഖബാധിതനായ പിതാവും മാതാവും. ഒളവണ്ണ സ്വദേശിയായ പുത്തൻ പുരയിൽ ഷീജുവാണ് മകൻ സ്നേഹാൻ കപിലി(21) ന്റെ ചികിത്സയ്ക്കായി സുമനസുകളുടെ സഹായം തേടുന്നത്. ചെറു പ്രായത്തിൽ തന്നെ മസ്തിഷ്കത്തെ ബാധിക്കുന്ന മെനിഞ്ചൈറ്റിസ് സ്നേഹിനെ ബാധിച്ചിരുന്നു. വർഷങ്ങൾ കഴിഞ്ഞെങ്കിലും മെനിഞ്ചൈറ്റിസ് രോഗത്തിന്റെ അനന്തരഫലമെന്നോണം ശ്വാസകോശ സംബന്ധമടക്കമുള്ള രോഗങ്ങൾ വിട്ടുമാറാതെ സ്നേഹിനെ പിടികൂടി.
വിവിധ ആശുപത്രികളിൽ ചികിത്സ നടത്തിയെങ്കിലും തുടർ ചികിത്സയ്ക്ക് വലിയ തുക ആവശ്യമാണ്. പണമില്ലാത്തതിനാൽ ചികിത്സ മുടങ്ങിയ അവസ്ഥയിലാണ്. വൃക്ക മാറ്റിവെച്ചതിനാൽ ഷീജുവിന് ഭാരിച്ച ജോലിക്ക് പോകാനും സാധിക്കില്ല. ചികിത്സയ്ക്കായി ബാങ്കിൽ നിന്നെടുത്ത ലോണും തിരിച്ചടയ്ക്കാൻ കഴിയാത്ത സ്ഥിതിയിലാണ് ഈ കുടുംബം. മകന്റെ തുടർ ചികിത്സയ്ക്കായി സുമനസുകളുടെ കാരുണ്യത്തിനായി കാത്തിരിക്കുകയാണ് ഇവരിപ്പോൾ. ഇന്ത്യൻ ഓവർ സീസ് ബാങ്കിന്റെ പന്തീരങ്കാവ് ശാഖയിൽ ഷീജുവിന്റെ പേരിൽ അക്കൗണ്ട് ആരംഭിച്ചിട്ടുണ്ട്. അക്കൗണ്ട് നമ്പർ: 375101000004821.ഐ എഫ് എസ് സി കോഡ്: IOBA 0003751.ഫോൺ പേ: 8921060711.ഗൂഗിൾ പേ: 9142316643.