അഫ്ഗാനിസ്ഥാനിൽ ഭരണംപിടിച്ച താലിബാനെ സംഘപരിവാറുമായി താരതമ്യംചെയ്ത കവി ജാവേദ് അക്തറിനെ വിമര്‍ശിച്ച് ശിവസേന. ഇത്തരം താരതമ്യങ്ങള്‍ ഹിന്ദു സംസ്‌കാരത്തോടുള്ള അനാദരവാണെന്ന് ശിവസേന പറഞ്ഞു. ആര്‍എസ്എസിനെ താലിബാനുമായി താരതമ്യം ചെയ്യുന്നത് അംഗീകരിക്കാനാകില്ല. ഇത്തരം താരതമ്യങ്ങള്‍ നടത്തുന്നവര്‍ ആത്മപരിശോധന നടത്തണെന്നും ശിവസേന മുഖപത്രമായ സാമ്‌ന മുഖപ്രസംഗത്തില്‍ പറഞ്ഞു.
‘ചിലര്‍ എല്ലാവരേയും താലിബാനുമായി താരതമ്യം ചെയ്യുന്നതാണ് സമൂഹത്തിനും മനുഷ്യവര്‍ഗത്തിനും ഏറ്റവും വലിയ ഭീഷണി. ജനാധിപത്യ രാജ്യങ്ങളല്ലാത്ത പാകിസ്ഥാനും ചൈനയും അഫ്ഗാനിലെ താലിബാനെ പിന്തുണയ്ക്കുന്നു. ഈ രണ്ട് രാജ്യങ്ങളിലും മനുഷ്യാവകാശങ്ങള്‍ക്ക് സ്ഥാനമില്ല. എന്നാല്‍ വ്യക്തി സ്വാതന്ത്യം മാനിക്കപ്പെടുന്ന ജനാധിപത്യ രാഷ്ട്രമാണ് നമ്മുടേത്. അതിനാല്‍ ആര്‍എസ്എസിനെ താലിബാനുമായി താരതമ്യം ചെയ്യുന്നത് തെറ്റാണ്.’ — സാമ്‌ന മുഖപ്രസംഗത്തില്‍ പറഞ്ഞു.
english summary;Shiv Sena criticizes Javed Akhtar
you may also like this video;
