മഹാരാഷ്ട്രയില്‍ പിഞ്ചുകുഞ്ഞ് ഷോക്കേറ്റ് മരിച്ചു. എട്ടുമാസം മാത്രം പ്രായമുള്ള പെണ്‍കുഞ്ഞാണ് ഫ്രിഡ്ജിന്റെ വയറില്‍ നിന്ന് ഷോക്കേറ്റ് മരിച്ചത്. നാഗ്പൂരില്‍ തിങ്കളാഴ്ച രാവിലെയാണ് സംഭവം. ഫ്രിഡ്ജിന് സമീപം കുഞ്ഞ് കളിക്കുമ്പോഴാണ് അപകടമുണ്ടായത്. ഈസമയത്ത് അമ്മ വസ്ത്രങ്ങള്‍ അലക്കുകയായിരുന്നുവെന്ന് പൊലീസ് പറയുന്നു.
ഫ്രിഡ്ജിന്റെ സമീപത്ത് കുഞ്ഞ് കളിക്കുന്നത് കണ്ട് അമ്മ പിടിച്ചുമാറ്റാന്‍ ശ്രമിച്ചു. അതിനിടെ അബദ്ധത്തില്‍ കുഞ്ഞ് ഫ്രിഡ്ജിന്റെ വയറില്‍ തൊടുകയായിരുന്നു. വൈദ്യുതാഘാതമേറ്റ കുട്ടിയെ ഉടന്‍ തന്നെ അമ്മ തൊട്ടടുത്തുള്ള ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
English Summary: Shocked while playing near the fridge; The infant died
You may also like this video
