സെന്ട്രല് മെക്സിക്കോയില് വാട്ടര് പാര്ക്കിലുണ്ടായ വെടിവയ്പ്പില് ഏഴ് പേര് കൊല്ലപ്പെട്ടു. ഒരാളുടെ നില ഗുരുതരമാണ്. ശനിയാഴ്ച വൈകുന്നേരം 4.30ന് ലാ പാല്മ സ്വിമ്മിങ് റിസോര്ട്ടിലായിരുന്നു സംഭവം. ഒരുകൂട്ടം തോക്കുധാരികളായ അക്രമികള് സ്വിമ്മിങ് പൂളിലുണ്ടായിരുന്നവരുടെ നേരെ വെടിയുതിര്ക്കുകയായിരുന്നു. അവിടെ സ്ഥാപിച്ചിരുന്ന സിസിടിവികളും അക്രമികള് നശിപ്പിച്ചു.
മരിച്ചവരില് ഏഴ് വയസുകാരനും മൂന്ന് സ്ത്രീകളും മൂന്ന് പുരുഷന്മാരും ഉള്പ്പെടുന്നു. സെന്ട്രല് മെക്സിക്കോയിലെ ഗ്വാനജുവാറ്റോ എന്ന പ്രദേശത്ത് മയക്കുമരുന്ന് മാഫിയകളുടെ കേന്ദ്രമായികൊണ്ടിരിക്കുകയാണ്. മയക്കുമരുന്നു മാഫിയയെ പിടികൂടുന്നതിന് 2006ല് സുരക്ഷാസേനയെ നിയോഗിച്ചതിന് ശേഷം 35,0000 ലധികം കൊലപാടകങ്ങളാണ് മെക്സികോയില് റിപ്പോര്ട്ട് ചെയ്തത്.
English Summary:Shooting in Mexico: Seven dead