ഐസിസിയുടെ ഫെബ്രുവരിയിലെ മികച്ച പുരുഷ താരത്തിനുള്ള പ്ലെയര്‍ ഓഫ് ദി മന്ത് പുരസ്കാരം ഇന്ത്യന്‍ യുവതാരം ശ്രേയസ് അയ്യര്‍ക്ക്. ന്യൂസിലന്‍ഡ് താരം അമേലിയ കെര്‍ ആണ് മികച്ച വനിതാ താരം. ശ്രീലങ്കയ്‌ക്കെതിരായ മൂന്നു മത്സരങ്ങളുടെ ടി20 പരമ്പരയിലെ മിന്നുന്ന പ്രകടനമാണ് ശ്രേയസിനെ പുരസ്കാരത്തിനു അര്‍ഹനാക്കിയത്. ഇതോടെ ഐസിസിയുടെ പ്ലെയര്‍ ഓഫ് ദി മന്തായി തിരഞ്ഞെടുക്കപ്പെട്ട നാലാമത്തെ ഇന്ത്യന്‍ താരമായി ശ്രേയസ്.
നേപ്പാള്‍ ഓള്‍റൗണ്ടര്‍ ദീപേന്ദ്ര സിങ് ഐറി, യുഎഇയുടെ കൗമാരതാരം വ്രീത്യ അരവിന്ദ് എന്നിവരെ പിന്തള്ളിയാണ് ശ്രേയസ് പുരസ്കാരത്തിന് അര്‍ഹനായത്. ഇന്ത്യന്‍ ജോടികളായ മിതാലി രാജ്, ദീപ്തി ശര്‍മ എന്നിവരെ പിന്തള്ളിയാണ് കിവീസ് താരത്തിന്റെ നേട്ടം. ഇന്ത്യക്കെതിരായ ഏകദിന പരമ്പരയില്‍ 353 റണ്‍സ് കെര്‍ വാരിക്കൂട്ടിയിരുന്നു. ഇതാണ് കെറിനെ പുരസ്കാരത്തിന് അര്‍ഹയാക്കിയത്.
English Summary:Shreyas Iyer named ICC Player of the Year
You may also like this video
