കേരള വെറ്ററിനറി ആന്റ് അനിമൽ സയൻസസ് സർവകലാശാല പൂക്കോട് കാമ്പസിലെ ബി വി എസ് സി ആന്റ് അനിമൽ ഹസ്ബൻഡറി രണ്ടാം വർഷ വിദ്യാർത്ഥി നെടുമങ്ങാട് സ്വദേശി സിദ്ധാർത്ഥിന്റെ മരണവുമായി ബന്ധപ്പെട്ട് കുറ്റക്കാർക്ക് പഠന വിലക്ക്. ഇന്നലെ വൈകിട്ട് യൂണിവേഴ്സിറ്റി സെന്ററിൽ ചേർന്ന ആന്റി റാഗിങ് കമ്മിറ്റിയുടേതാണ് തീരുമാനം.
കോളജിലെ ആന്റി റാഗിങ് സ്ക്വാഡ് നടത്തിയ അന്വേഷണത്തിൽ 31 വിദ്യാർത്ഥികൾക്കാണ് പഠന വിലക്ക് ഏർപ്പെടുത്തിയത്. 19 വിദ്യാർത്ഥികൾക്ക് മൂന്ന് വർഷത്തേക്കും 12 പേര്‍ക്ക് ഒരു വർഷത്തേക്കുമാണ് വിലക്ക്. ഇവർക്ക് അംഗീകൃത സ്ഥാപനങ്ങളിൽ എവിടെയും പഠനം നടത്താനാകില്ല. ഇവരെ കോളജ് ഹോസ്റ്റലിൽ നിന്നടക്കം പുറത്താക്കാനും കമ്മിറ്റി നിർദേശിച്ചിട്ടുണ്ട്. ആന്റി റാഗിങ് സ്ക്വാഡ് കഴിഞ്ഞ ദിവസങ്ങളിൽ അധ്യാപകർ, വിദ്യാർത്ഥികൾ എന്നിവരിൽ നിന്ന് തെളിവെടുത്തിരുന്നു.
English Summary:Siddharth’s death: 31 students banned
You may also like this video
