വ്യാജ വോട്ടർമാരെ തിരുകി കയറ്റിയും അർഹരായ വോട്ടർമാരെ ഒഴിവാക്കിയും തയ്യാറാക്കിയ വോട്ടർ പട്ടികയിലെ അപാകതകൾ പരിഹരിക്കണമെന്ന് ആവശ്യപ്പെട്ടുകൊണ്ട് എല്ഡിഎഫിന്റെ നേതൃത്വത്തില് തെരഞ്ഞെടുപ്പ് കമ്മിഷന് ഓഫിസുകളിലേക്ക് ബഹുജന മാര്ച്ച് സംഘടിപ്പിച്ചു. തിരുവനന്തപുരത്ത് ചീഫ് ഇലക്ഷൻ ഓഫിസിലേക്ക് നടന്ന മാര്ച്ച് എൽഡിഎഫ് കൺവീനർ ടി പി രാമകൃഷ്ണൻ ഉദ്ഘാടനം ചെയ്തു. പൗരത്വം നിര്ണയിക്കേണ്ടത് ജാതിയുടെയോ മതത്തിന്റെയോ പേരിലല്ലെന്നും വോട്ടറാകാൻ അര്ഹതയുള്ള ജനങ്ങളെ പുറം തള്ളുന്നത് ജനാധിപത്യ വിരുദ്ധമാണെന്നും ടി പി രാമകൃഷ്ണന് പറഞ്ഞു.
കോഴിക്കോട് വി കുഞ്ഞാലി, കോട്ടയത്ത് കെ അനിൽകുമാർ, കൊല്ലത്ത് എം എച്ച് ഷാരിയർ, കണ്ണൂരില് കെ കെ രാഗേഷ്, ആലപ്പുഴയില് ആർ നാസർ, വയനാട്ടിൽ സി കെ ശശീന്ദ്രൻ, ഇടുക്കിയില് കെ സലിംകുമാർ, പാലക്കാട് ഇ എന് സുരേഷ് ബാബു, എറണാകുളത്ത് എസ് സതീഷ്, തൃശൂരില് കെ വി അബ്ദുള് ഖാദര് തുടങ്ങിയവര് ഉദ്ഘാടനം ചെയ്തു.