അതിതീവ്ര പ്രത്യേക വോട്ടര് പരിഷ്കരണം നടന്ന് വരുന്ന എട്ട് സംസ്ഥാനങ്ങളില് നിരീക്ഷകരെ നിയമിച്ച് തെരഞ്ഞെടുപ്പ് കമ്മിഷന്. കേരളം, പശ്ചിമബംഗാള്, തമിഴ്നാട് അടക്കമുള്ള എട്ട് സംസ്ഥാനങ്ങളിലാണ് നിരീക്ഷകരെ നിയമിച്ചത്. സ്പെഷ്യല് റോള് നിരീക്ഷകര് (എസ്ആര്ഒ) സംസ്ഥാന — ജില്ലാതല ഉദ്യോഗസ്ഥരുടെ യോഗം വിളിച്ച് ചേര്ത്ത് എസ്ഐആര് നടപടിക്രമം വിലയിരുത്തും. ദേശീയ‑സംസ്ഥാന രാഷ്ട്രീയ പാര്ട്ടി പ്രതിനിധികളുമായും ഇവര് ചര്ച്ച നടത്തും. ഉത്തര്പ്രദേശ്, ഗുജറാത്ത്. മധ്യപ്രദേശ്, ഛത്തീസ്ഗഢ്, രാജസ്ഥാന് എന്നീ സംസ്ഥാനങ്ങളിലും എസ്ആര്ഒമാരെ നിയോഗിച്ചിട്ടുണ്ട്.
എസ്ഐആര്: എട്ട് സംസ്ഥാനങ്ങളില് നിരീക്ഷകരെ നിയമിച്ചു
