കൊല്ലം ശക്തി കുളങ്ങരയില്‍ നിന്ന് രണ്ട് തലയോട്ടികള്‍ കണ്ടെത്തി. പ്രവര്‍ത്തനമില്ലാതെ കിടക്കുന്ന ആശുപത്രിക്ക് സമീപത്തെ റോഡില്‍ നിന്നാണ് കവറില്‍ പൊതിഞ്ഞ നിലയില്‍ തലയോട്ടികള്‍ കണ്ടെത്തിയത്. ശുചീകരണ തൊഴിലാളികളാണ് ആദ്യം കണ്ടത്. ഇവര്‍ ഉടൻ പൊലീസിനെ വിവരമറിയിക്കുകയായിരുന്നു.
പരിശോധനയില്‍ തലയോട്ടികള്‍ ഏറെ പഴക്കം ചെന്നതാണെന്ന് വ്യക്തമായിട്ടുണ്ട്. അതേസമയം തലയോട്ടികൾ പൊതിഞ്ഞിരുന്ന കവറിനുള്ളിൽ മെഡിക്കൽ വിദ്യാർത്ഥികൾ ഉപയോഗിക്കുന്നതിന് സമാനമായ കുറിപ്പുകൾ ഉണ്ടായിരുന്നതായി പൊലീസ് പറയുന്നു. കൂടുതൽ പരിശോധനയ്ക്കായി രണ്ട് തലയോട്ടികളും പാരിപ്പള്ളി മെഡിക്കൽ കോളജ് ആശുപത്രിയിൽ സൂക്ഷിച്ചിരിക്കുകയാണ്.
English Summary: Skulls found in Kollam
You may also like this video
