ഉത്തർപ്രദേശില്‍ ജീപ്പില്‍ നിന്നും ചാടിയ സ്ത്രീ മരിച്ചു. ഓടുന്ന ജീപ്പിന്റെ എഞ്ചിനില്‍ നിന്ന് പുക ഉയരുന്നത് കണ്ട് തീപിടിക്കുമെന്ന് ഭയന്നാണ് വാഹനത്തില്‍ നിന്നും ചാടിയതെന്ന് പൊലീസ് പറഞ്ഞു. ഉത്തര്‍പ്രദേശിലെ ബാലിയയിലെ രസ്ര പൊലീസ് സ്റ്റേഷന്‍ പരിധിയിലാണ് സംഭവം. സുഭാവതി ദേവി (50) ആണ് മരണപ്പെട്ടത്. വാഹനത്തില്‍ നിന്നു ചാടിയ മുന്നി ദേവി (45) ഗുരുതരമായി പരിക്കേറ്റു. സ്ത്രീകളെ രസ്രയിലെ ആശുപത്രിയിൽ പ്രവേശിപ്പിച്ചെങ്കിലും സുഭാവതി മരണപ്പെടുകയായിരുന്നു. മുന്നി ചികിത്സയിലാണ്. പൊലീസ് മൃതദേഹം പോസ്റ്റ്‌മോർട്ടത്തിന് അയച്ച് അന്വേഷണം ആരംഭിച്ചതായി അറിയിച്ചു.
English Summary: Smoke rising from vehicle mistaken for fire: Woman dies after jumping from vehicle
You may also like this video
