ഹരിപ്പാട് മുട്ടത്ത് സൈനികനായ മകൻ വൃദ്ധയായ അമ്മയെ ക്രൂരമായി മർദ്ദിച്ചു. മുട്ടം സ്വദേശിയും ആസാം റൈഫിൾസിൽ സൈനികനുമായ സുബോധാണ് മദ്യപിച്ചെത്തി അമ്മ ശാരദാമ്മയെ (69) ക്രൂരമായി മർദ്ദിച്ചത്. വീട്ടിൽ മദ്യപിച്ചെത്തിയ സുബോദ് അസഭ്യവർഷം നടത്തിയതായും റിപ്പോര്‍ട്ടുകളുണ്ട്. പലതവണ പ്രതിരോധിക്കാൻ ശ്രമിച്ചെങ്കിലും വീണ്ടും മർദ്ദനം തുടരുകയായിരുന്നു. വീട്ടിൽ തന്നെയുള്ള മറ്റാരോ വീഡിയോ ദൃശ്യങ്ങൾ പകർത്തി സാമൂഹ്യ മാധ്യമങ്ങളിലൂടെ പ്രചരിപ്പിച്ചത്തോടെയാണ് സംഭവം പുറത്തറിഞ്ഞത്. സംഭവത്തിൽ കരിയിലക്കുളങ്ങര പോലീസ് കേസെടുത്തു. സുബോധിനെ കസ്റ്റഡിയിൽ എടുത്തിട്ടുണ്ട്. വൈദ്യ പരിശോധനയ്ക്ക് വിധേയമാക്കി. പ്രതിയെ നാളെ ഹരിപ്പാട് കോടതിയിൽ ഹാജരാക്കി റിമാൻഡ് ചെയ്യും.
English Summary: soldier brutally beats mother, video
You may like this video also
