പരിപാടിയില്‍ പങ്കെടുക്കാന്‍ വൈകിയ എത്തിയ മലപ്പുറം എസ് പിയെ രൂക്ഷമായി വിമര്‍ശിച്ച് പിവി അന്‍വര്‍ എംഎല്‍എ. പൊലീസ് അസോസിയേഷൻ സമ്മേളനത്തിനിടെയാണ് വേദിയില്‍ വെച്ച് മലപ്പുറം എസ്‍പി എസ് ശശിധരനെ രൂക്ഷമായ ഭാഷയില്‍ എംഎല്‍എ വിമര്‍ശിച്ചത്. പരിപാടിക്ക് എസ്‍പി എത്താൻ വൈകിയതില്‍ പ്രകോപിതനായാണ് പിവി അന്‍വര്‍ എംഎല്‍എ രൂക്ഷ വിമര്‍ശനം നടത്തിയത്. തന്റെ പാർക്കിലെ രണ്ടായിരത്തിലധികം ഭാരം വരുന്ന റോപ് മോഷണം പോയതായും എട്ട് മാസം കഴിഞ്ഞിട്ടും പ്രതിയെ പിടിച്ചില്ലെന്നും അദ്ദേഹം കൂട്ടിച്ചേര്‍ത്തു.
വിഷയത്തില്‍ തെളിവ് സഹിതം നിയമസഭയിൽ ഇക്കാര്യങ്ങൾ ഉന്നയിക്കുമെന്നും മന്ത്രി വ്യക്തമാക്കി. എംഎല്‍എയുടെ രൂക്ഷ വിമര്‍ശനത്തിന് പിന്നാലെ പരിപാടിയിലെ മുഖ്യപ്രഭാഷകനായിരുന്ന എസ്‍പി എസ് ശശിധരൻ പ്രസംഗത്തിന് തയ്യാറാവാനാവാതെ വേദി വിട്ടു.
