ഊബര്‍ ഓട്ടോ ഡ്രൈവറില്‍ നിന്ന് മോശം പെരുമാറ്റം ഉണ്ടാവുകയും കണ്ണാടിയിലൂടെ തുറിച്ചുനോക്കുകയും ചെയ്തതായി യുവതിയുടെ പരാതി.
വിഡിയോ സഹിതമാണ് ഡല്‍ഹിയിലെ മാധ്യമപ്രവര്‍ത്തക പരാതിപ്പെട്ടത്. സുഹൃത്തിന്റെ വീട്ടിലേക്ക് പോകും വഴിയാണ് സംഭവം. വാഹനത്തില്‍ കയറിയ സമയം മുതല്‍ ഡ്രൈവര്‍ വശത്തെ കണ്ണാടിയിലൂടെ തന്നെ നോക്കുകയും യാത്രയിലുടനീളം കണ്ണാടിയിലൂടെ നോട്ടം തുടര്‍ന്നുവെന്നും വിഡിയോ പങ്കുവച്ച് യുവതി ട്വിറ്ററില്‍ കുറിച്ചു. വിനോദ് കുമാർ എന്ന ഓട്ടോ ഡ്രൈവര്‍ക്കെതിരെയാണ് പരാതി. അതേസമയം ഊബറിന്റെ സുരക്ഷാ സംവിധാനം ഉപയോഗിച്ച് പരാതിപ്പെടാൻ ശ്രമിച്ചെങ്കിലും സാധിച്ചില്ലെന്ന് യുവതി പറയുന്നു. സംഭവത്തില്‍ പൊലീസ് ഡ്രൈവര്‍ക്കെതിരെ നടപടി സ്വീകരിച്ചുവരികയാണ്.
English Summary;Staring through the mirror; Journalist’s complaint against auto driver
You may also like this video
