വന്ദേ ഭാരത് എക്‌സ്പ്രസിന്റെ ചില്ല് കല്ലേറിൽ തകർന്നു. രാജസ്ഥാനിലെ ഭിൽവാര ജില്ലയിൽ ഉദയ്പൂർ സിറ്റി-ജയ്പൂർ വന്ദേഭാരത് എക്സ്പ്രസിലാണ് സംഭവം. സംഭവത്തില്‍ ആര്‍ക്കും പരിക്കേറ്റിട്ടില്ല.
റയാല സ്റ്റേഷനിലൂടെ കടന്നുപോകുമ്പോൾ അജ്ഞാതർ ട്രെയിനിന് നേരെ കല്ലെറിയുകയായിരുന്നു. സി 7 കോച്ചിന്റെ ജനാലയ്ക്കുനേരെയാണ് കല്ലേറുണ്ടായത്. കല്ലേറില്‍ ജനലിന്റെ ചില്ല് തകര്‍ന്നതായി സംഭവിച്ചതായി അധികൃതര്‍ പറഞ്ഞു. റയല സ്റ്റേഷൻ മാസ്റ്ററുടെ റിപ്പോർട്ടിന്റെ അടിസ്ഥാനത്തിൽ അജ്ഞാതർക്കെതിരെ കേസെടുത്തു.
സംഭവത്തില്‍ ഇതുവരെ ആരെയും അറസ്റ്റ് ചെയ്തിട്ടില്ലെന്നും അന്വേഷണം നടക്കുകയാണെന്നും പൊലീസ് അറിയിച്ചു.
English Summary: Stone pelted on Vande Bharat Express: Window broken
You may also like this video
