തെലങ്കാനയില്‍ റോഡരികില്‍ കളിച്ചുകൊണ്ടിരുന്ന അഞ്ച് വയസുകാരന് തെരുവ് നായയുടെ ആക്രമണത്തില്‍ മരിച്ചു. ഖമ്മം ജില്ലയിലാണ് ബാനോത്ത് ഭരത് എന്ന കുട്ടി മരിച്ചത്. പരിക്കേറ്റ കുട്ടിയെ ചികിത്സയ്ക്കായി ആശുപത്രിയിലേക്ക് കൊണ്ടുപോകും വഴിയാണ് മരണത്തിന് കീഴടങ്ങിയത്. ഒരു മാസത്തിനിടെ തെരുവ് നായയുടെ അക്രമണത്തില്‍ മരിക്കുന്ന രണ്ടാമത്തെ കുട്ടിയാണ് ഭരത്.
കഴിഞ്ഞ മാസം ഹൈദരാബാദിലെ ഒരു ഹൗസിംഗ് സൊസൈറ്റിയിൽ നാല് വയസ്സുള്ള ആൺകുട്ടിയെ തെരുവ് നായ്ക്കൾ കടിച്ചുകൊന്നു. തെരുവ് നായ്ക്കള്‍ കൂട്ടം ചേര്‍ന്ന് ആക്രമിച്ചതിനെത്തുടർന്ന് നാല് വയസ്സുള്ള മറ്റൊരു ആൺകുട്ടിക്ക് പരിക്കേറ്റിരുന്നു. തെരുവ് നായ്ക്കളുടെ അക്രമണത്തില്‍ അടിയന്തരമായി നടപടിയെടുക്കണമെന്ന് തെലങ്കാന ഗവൺമെന്റ് സ്‌പെഷ്യൽ ചീഫ് സെക്രട്ടറി അരവിന്ദ് കുമാർ ഐഎഎസ് ഉദ്യോഗസ്ഥർക്ക് നിർദേശം നൽകിയിരുന്നു.
English Summary;Stray dog attack; A tragic end for a five-year-old boy
You may also like this video
