ഫറോക്ക് ചാലിയം ബീച്ചിൽ ശക്തമായ കടലേറ്റം. ഇന്നലെ രാവിലെ ഒൻപതോടെയാണ് തിരമാലകൾ കരയിലേക്ക് ആഞ്ഞടിച്ചത്. വിനോദ സഞ്ചാര പദ്ധതിയുടെ ഭാഗമായി നവീകരണ പ്രവൃത്തി നടന്നതിന് സമീപത്തായി താത്ക്കാലികമായി ഒരുക്കിയ കടകൾ കടലേറ്റത്തിൽ വെള്ളം കയറി നശിച്ചു. ജില്ലയിൽ ഉൾപ്പെടെ സംസ്ഥാനത്തിന് വിവിധ ഭാഗങ്ങളിൽ ശക്തമായ കാറ്റും മഴയും കള്ളക്കടൽ പ്രതിഭാസവുമുണ്ടാകുമെന്ന് മുന്നറിയിപ്പുണ്ടായിരുന്നു.
കടലിലെ ജലനിരപ്പ് വളരെപ്പെട്ടാണ് ഉയർന്നതെന്ന് പ്രദേശവാസികൾ പറഞ്ഞു. തിരമാലകൾ വലിയ ഉയരത്തിൽ കരയിലേക്ക് ആഞ്ഞടിക്കുകയായിരുന്നു. ഇതുവരെ ഇത്തരത്തിൽ വലിയ രീതിയിലുള്ള കടലേറ്റം ഈ പ്രദേശത്ത് അനുഭവപ്പെട്ടിട്ടില്ലെന്നും ഇവർ പറഞ്ഞു. വിനോദസഞ്ചാര വകുപ്പിന്റെ ഓഷ്യാനസ് ചാലിയം സമഗ്ര ബീച്ച് ടൂറിസം വികസന പദ്ധതിയുടെ പ്രവൃത്തികൾ പ്രദേശത്ത് നടന്നുവരുന്നുണ്ട്. ദിവസവും നിരവധി പേർ സന്ദർശനത്തിനെത്തുന്ന ബീച്ചിലുണ്ടായിരുന്ന പെട്ടിക്കടകൾ കടൽവെള്ളം കയറി നശിച്ചു.