കേന്ദ്ര സർക്കാരിന്റെ തൊഴിലാളിവിരുദ്ധ നിലപാടുകൾക്കെതിരെ പോരാട്ടങ്ങൾ ശക്തിപ്പെടണമെന്ന് എഐടിയുസി ദേശീയ വർക്കിംഗ് പ്രസിഡന്റും സിപിഐ സംസ്ഥാന സെകട്ടറിയുമായ ബിനോയ് വിശ്വം അഭിപ്രായപ്പെട്ടു. കോട്ടയം ചിൽഡ്രൻസ് ലൈബ്രറി ഹാളിൽ ചേർന്ന എ ഐ ടി യു സി സംസ്ഥാന വർക്കിംഗ് കമ്മിറ്റി യോഗം ഉദ്ഘാടനം ചെയ്യുകയായിരുന്നു അദ്ദേഹം. നാനൂറ് സീറ്റുമായി അധികാരത്തിൽ വരുമെന്ന് അഹങ്കരിച്ച നരേന്ദ്ര മോഡിക്കും കൂട്ടർക്കും ഈ പാർലമെന്റ് തെരെഞ്ഞെടുപ്പിൽ രാജ്യത്ത് തിരിച്ചടിയുണ്ടായി. കർഷകരും തൊഴിലാളികളും ഉയർത്തിയ ജീവിത പ്രശ്നങ്ങൾ തെരെഞ്ഞെടുപ്പിൽ ചർച്ചയായി. തൊഴിലാളിവിരുദ്ധ നിയമങ്ങളിലൂടെ തൊഴിലാളി സംഘടനാ പ്രവർത്തനം പോലും ഇല്ലാതാക്കുവാൻ ശ്രമിക്കുന്ന കേന്ദ്ര സർക്കാരിനെതിരെ തൊഴിലാളികൾ ഒന്നടങ്കം രംഗത്തു വരണമെന്ന് ബിനോയ് വിശ്വം ആവശ്യപ്പെട്ടു.
ഇടതുപക്ഷ ജനാധിപത്യ മുന്നണി സർക്കാരിൻ്റെ പ്രവർത്തനങ്ങളിൽ മുൻഗണന നിശ്ച തിയ്ക്കണമെന്നും തൊഴിലാളികളുടേയും ജീവിത പ്രയാസങ്ങൾ നേരിടുന്ന അടിസ്ഥാന ജന വിഭാഗങ്ങളുടെയും ജീവിത നിലവാരം മെച്ച പ്പെടുത്തുന്നതിനുള്ള നടപടികൾ യുദ്ധ കാലാടിസ്ഥാനത്തിൽ നടപ്പിലാക്കണമെന്നും എ ഐ ടി യു സി സംസ്ഥാന വർക്കിംഗ് കമ്മിറ്റി യോഗം പ്രമേയത്തിലൂടെ സർക്കാരിനോട് ആവശ്യപ്പെട്ടു.
യോഗത്തിൽ സംസ്ഥാന പ്രസിഡന്റ് റ്റി ജെ ആഞ്ചലോസ് അധ്യക്ഷനായിരുന്നു. എഐടിയുസി സംസ്ഥാന ജനറൽ സെക്രട്ടറി കെ പി രാജേന്ദ്രൻ പ്രവർത്തന റിപ്പോർട്ടും സെക്രട്ടറി സി പി മുരളി ഭാവി പ്രവർത്തന പരിപാടികളും അവതരിപ്പിച്ചു. സംസ്ഥാന സെക്രട്ടറി വിജയൻ കുനിശ്ശേരി ദേശീയ കമ്മിറ്റി തീരുമാനങ്ങൾ അവതരിപ്പിച്ചു. സംസ്ഥാന ഭാരവാഹികളായ പി രാജു, സി കെ ശശിധരൻ, കെ എസ് ഇന്ദുശേഖരൻ നായർ,പി സുബ്രമണ്യൻ, അഡ്വ: വി ബി ബിനു, കെ സി ജയപാലൻ, കെ മല്ലിക, എം ജി രാഹുൽ, എലിസബത്ത് അസീസി, ചെങ്ങറ സുരേന്ദ്രൻ, പി വി സത്യനേശൻ,അഡ്വ: ആർ സജിലാൽ, കവിതാ രാജൻ, എ ശോഭ എന്നിവർ സംസാരിച്ചു.
English Summary: Struggles should be strengthened against central government’s anti-worker stance: Binoy Vishwam
You may also like this video
