പയ്യന്നൂരിനടുത്ത് പുഞ്ചക്കാട് ബൈക്ക് കാറുമായി കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു. പെരുമ്പ സ്വദേശി ജാഫറിന്റെയും പടന്ന കൊട്ടയന്താറിലെ വി കെ റാസിയയുടെയും മകന്‍ അഷ്‌കറലി (21) യാണ് മരിച്ചത്. ശനിയാഴ്ച വൈകിട്ട് ഏഴ് മണിയോടെ പയ്യന്നൂരിനടുത്ത് പുഞ്ചക്കാട് കാറുമായി കൂട്ടിയിടിച്ചാണ് അപകടം്. ഉടന്‍ പരിയാരം മെഡിക്കല്‍ കോളജ് ഹോസ്പിറ്റലില്‍ എത്തിച്ചെങ്കിലും ജീവന്‍ രക്ഷിക്കാനായില്ല. പയ്യന്നൂര്‍ ഫിനിക്‌സ് കോളജിലെ സി എ വിദ്യാര്‍ത്ഥിയാണ്. പെരിയാരം മെഡിക്കല്‍ കോളജില്‍ ഉള്ള മൃതദേഹം പോസ്റ്റ്‌മോര്‍ട്ടം നടപടികള്‍ക്ക് ശേഷം ഞായറാഴ്ച ഉച്ചയോടെ പടന്നയില്‍ എത്തിക്കും. സഹോദരി: ഷഹര്‍ബാന്‍.
English summary; Student died accident
You may also like this video;
