ആലുവയിൽ ബൈക്ക് ടോറസുമായി കൂട്ടിയിടിച്ച് വിദ്യാര്‍ത്ഥിനി മരിച്ചു. മെഡിക്കൽ എൻട്രൻസ് കോച്ചിങ് വിദ്യാര്‍ത്ഥിനിയായ ആർദ്രയാണ് (18) മരിച്ചത്. ശനിയാഴ്ച രാവിലെ 7.45ഓടെ ദേശീയപാതയിൽ ചെങ്ങമനാട് പറമ്പയം കവലയിലായിരുന്നു അപകടം. ഉന്നത പഠനത്തിന് വിദേശത്തേക്ക് പോവുകയായിരുന്ന സഹപാഠിയെ യാത്രയാക്കാൻ മറ്റു സഹപാഠികളോടൊപ്പം സഞ്ചരിക്കുമ്പോഴായിരുന്നു അപകടം.
ബൈക്കിൽ സഞ്ചരിച്ചു കൊണ്ടിരിക്കെ ടോറസ് ഇടിച്ചായിരുന്നു അപകടം ഉണ്ടായത്. ബൈക്കോടിച്ചിരുന്ന യുവാവിന് അപകടത്തില്‍ പരിക്കേറ്റു. മൃതദേഹം ആലുവ ജില്ല ആശുപത്രി മോർച്ചറിയിൽ.
English Summary: student dies in bike accident at aluva
You may also like this video
