മഹാരാജാസ് കോളേജില്‍ കാഴ്ച പരിമിതിയുള്ള അധ്യാപകനെ അപമാനിച്ച സംഭവത്തില്‍ വിദ്യാര്‍ത്ഥികള്‍ മാപ്പ് പറഞ്ഞു. നടപടി നേരിട്ട ആറ് വിദ്യാര്‍ത്ഥികളാണ് അധ്യാപകന്‍ ഡോ. പ്രിയേഷിനോട് മാപ്പ് പറഞ്ഞത്. കോളജ് കൗണ്‍സില്‍ തീരുമാനപ്രകാരമാണ് നടപടി.
തെറ്റ് ആവര്‍ത്തിക്കില്ലെന്ന് വിദ്യാര്‍ത്ഥികളും രക്ഷിതാക്കളും വ്യക്തമാക്കി. കഴിഞ്ഞ മാസമാണ് മഹാരാജാസ് കോളേജിലെ പൊളിറ്റിക്കല്‍ സയന്‍സ് കാഴ്ച പരിമിതിയുള്ള അധ്യാപകനായ പ്രിയേഷിനെ ക്ലാസ് മുറിയില്‍ വെച്ച് ചില വിദ്യാര്‍ത്ഥികള്‍ അപമാനിച്ചത്. കെഎസ്‌യു നേതാവടക്കമുള്ള വിദ്യാര്‍ത്ഥികളായിരുന്നു ഇതിന് പിന്നില്‍. സംഭവത്തില്‍ കെഎസ്‌യു യൂണിറ്റ് വൈസ് പ്രസിഡന്റ് ഫാസില്‍ അടക്കമുള്ളവരെ സസ്‌പെന്‍ഡ് ചെയ്തിരുന്നു.
English Summary: students apologies over hurt blind teacher in maharajas college
You may also like this video
