അരുണാചൽ പ്രദേശിൽ വിദ്യാർത്ഥികളെ ലൈംഗികമായി പീഡിപ്പിക്കുകയും ഭീഷണിപ്പെടുത്തുകയും ചെയ്ത സംഭവത്തില്‍ സർക്കാർ സ്‌കൂളിലെ പ്രധാനാധ്യാപകൻ അറസ്റ്റില്‍. ഗൗതംപൂരിലെ ഗവൺമെന്റ് സെക്കൻഡറി സ്കൂൾ (ജിഎസ്എസ്) ഹെഡ്മാസ്റ്റർ മുഹമ്മദ് അസ്ഗർ അലിയാണ് അറസ്റ്റിലായത്.
ഭീഷണി, ബ്ലാക്ക് മെയില്‍, ലൈംഗികച്ചുവയുള്ള പരാമര്‍ശങ്ങള്‍ എന്നിവ ആരോപിച്ച് വിദ്യാര്‍ത്ഥികള്‍ നല്‍കിയ പരാതിയിലാണ് നടപടിയുണ്ടായത്. സ്കൂൾ സമയത്തും ക്ലാസിലും രാവിലെ അസംബ്ലിയില്‍പ്പോലും പ്രധാനാധ്യാപകൻ മോശമായി പെരുമാറിയതായും വർഗീയ അധിക്ഷേപങ്ങൾ നടത്തിയതായും കുട്ടികള്‍ നല്‍കിയ പരാതിയില്‍ പറയുന്നു.
കൈപിടിച്ച് വലിച്ചു മുറിയിലേക്ക് കൊണ്ടുപോയി പീഡിപ്പിക്കാൻ ശ്രമിച്ചതായും വഴങ്ങിയില്ലെങ്കില്‍ പരീക്ഷയില്‍ തോല്‍പ്പിക്കുമെന്നും ഇയാള്‍ ഭീഷണിപ്പെടുത്തിയതായും വിദ്യാര്‍ത്ഥികളുടെ പരാതിയില്‍ പറയുന്നു.