മഹാരാഷ്ട്രയിൽ വ്യോമ സേനാ വിമാനം തകർന്നു വീണു. വ്യോമസേനയുടെ സുഖോയ് വിമാനം ആണ് അപകടത്തില്‍പ്പെട്ടത്. മഹാരാഷ്ട്രയിലെ നാസികിൽ ഇന്ന് ഉച്ചയ്ക്ക് 1.20ന് ആയിരുന്നു സംഭവം. പൈലറ്റുമാർ സുരക്ഷിതരാണെന്ന് അധികൃതർ അറിയിച്ചു. നാസികിലെ ഒസാറിൽ നിന്ന് പുറപ്പെട്ട വിമാനം ഷിരസഗാവ് ഗ്രാമത്തിന് സമീപമുള്ള വയലില്‍ നിയന്ത്രണം വിട്ട് തകര്‍ന്ന് വീഴുകയായിരുന്നു.
പരീക്ഷണപ്പറക്കലിനിടെയായിരുന്നു അപകടം. സാങ്കേതിക തകരാർ ആണ് അപകടത്തിന് കാരണം എന്നാണ് സൂചന. സംഭവത്തിൽ വ്യോമസേന അന്വേഷണം പ്രഖ്യാപിച്ചിട്ടുണ്ട്. പൊലീസും മെഡിക്കൽ സംഘവും എത്തി പൈലറ്റുമാർക്ക് വൈദ്യസഹായം നൽകിയ ശേഷം ആശുപത്രിയിലേക്ക് മാറ്റി.
English Summary:Sukhoi fighter jet crashed; Pilots are safe
You may also like this video
