സംസ്ഥാനത്തു പകൽ താപനില ഉയരുന്ന സാഹചര്യത്തിൽ പുറം ജോലികളില്‍ ഏര്‍പ്പെട്ടിരിക്കുന്നവരുടെ ജോലി സമയം ക്രമീകരിച്ച് സര്‍ക്കാര്‍ ഉത്തരവിറക്കി. തൊഴിലാളികൾക്ക് സൂര്യാഘാതം ഏൽക്കുന്നതു തടയാനാണ് നടപടി. ഏപ്രിൽ 30 വരെ തൊഴിൽസമയം പുനഃക്രമീകരിച്ചതായി സർക്കാർ പുറത്തിറക്കിയ ഉത്തരവില്‍ പറയുന്നു.
പകൽ ഷിഫ്റ്റിൽ ജോലി ചെയ്യുന്നവർക്ക് ഉച്ചയ്ക്ക് 12 മുതൽ 3 വരെ വിശ്രമ സമയമാണ്. ഇവരുടെ ജോലി സമയം രാവിലെ 7 മുതൽ വൈകിട്ട് 7 വരെയുള്ള സമയത്തിനുള്ളിൽ 8 മണിക്കൂറായിരിക്കും. രാവിലെയും ഉച്ചയ്ക്കു ശേഷവുമുള്ള മറ്റു ഷിഫ്റ്റുകളിലെ ജോലി സമയം യഥാക്രമം ഉച്ചയ്ക്ക് 12ന് അവസാനിക്കും. വൈകിട്ട് 3 മണിക്ക് ജോലി പുനഃരാരംഭിക്കുമെന്നും അതിനനുസരിച്ച് സമയം പുനഃക്രമീകരിക്കണമെന്നും ലേബർ കമ്മിഷണർ ഉത്തരവിട്ടു.
English Summary: Summer: Working hours have been rescheduled in the state
You may like this video also
