ക്ഷീണിച്ച മുഖവുമായുള്ള സുനിത വില്യംസിന്റെ പുതിയ ചിത്രം നാസ പുറത്തുവിട്ടതോടെ അവരുടെ ആരോഗ്യനിലയെക്കുറിച്ച് ആശങ്ക ഉയരുന്നു. ബഹിരാകാശ നിലയത്തിൽവച്ച് പീത്‌സ ഉണ്ടാക്കുന്ന സുനിതയുടെയും വിൽമോറിന്റെയും ചിത്രങ്ങളാണ് പുറത്തുവിട്ടത്. എന്നാൽ ചിത്രത്തിൽ സുനിത വളരെ ക്ഷീണിതയായി കാണപ്പെടുന്നുവെന്ന് ഒട്ടേറെപ്പേർ സമൂഹമാധ്യമങ്ങളിൽ ആശങ്കകൾ പങ്കുവച്ചു.
153 ദിവസമായി രാജ്യാന്തര ബഹിരാകാശ നിലയത്തിൽ ആണ് സുനിത വില്യംസും ബുച്ച് വിൽമോറും കഴിയുന്നത്.ആരോഗ്യ വിദഗ്ധരും സുനിതയുടെ പുതിയ ചിത്രം കണ്ട് ആശങ്കകൾ അറിയിച്ചിട്ടുണ്ട്. ബഹിരാകാശത്ത് വളരെ നാൾ കഴിയേണ്ടി വന്നതിലുള്ള സ്വാഭാവിക സമ്മർദമാകാം സുനിതയുടെ മാറ്റത്തിന് കാരണമെന്നാണ് ഇവരുടെ വിലയിരുത്തൽ. സുനിത ഭക്ഷണത്തിന്റെ അളവ് കുറച്ചതിനാൽ കാലറി കുറവായതായിരിക്കാം ക്ഷീണിക്കുവാൻ കാരണമെന്നും ആരോഗ്യ വിദഗ്ധർ പറയുന്നു.