ചെന്നൈയില്‍ നടന്ന ഇന്ത്യൻ എയര്‍ഫോഴ്സി (ഐഎഎഫ്)ന്റെ പ്രദര്‍ശനത്തിനിടെ സൂര്യാഘാതമേറ്റ് കാണികളില്‍ അഞ്ചുപേര്‍ക്ക് ദാരുണാന്ത്യം. 96 പേർ ആശുപത്രിയിൽ ചികിത്സയിലാണ്. നിർജലീകരണം മൂലം 250 ഓളം പേർ കുഴഞ്ഞു വീണതായും റിപ്പോർട്ടുണ്ട്. 15 ലക്ഷം പേരാണ് പ്രദര്‍ശനം കാണാനെത്തിയതെന്നാണ് റിപ്പോര്‍ട്ടുകള്‍. മറീന ബീച്ചിലാണ് പ്രദര്‍ശനം നടന്നത്. പ്രദര്‍ശനം ചെയ്യുന്ന പ്രദേശത്ത് കുടിവെള്ളംപോലും സജ്ജീകരിച്ചില്ലെന്നും പരാതികളുണ്ട്. തിക്കുംതിരക്കും അധികമായതിനാല്‍ വൻ ഗതാഗതക്കുരുക്കും അനുഭവപ്പെട്ടിരുന്നു. അതേസമയം സുരക്ഷയ്ക്കായി 6500 പോലീസുകാരെയും 1500 ഹോം ഗാർഡുമാരെയും ചെന്നൈ പോലീസ് വിന്യസിച്ചിരുന്നതായി അധികൃതര്‍ പറഞ്ഞു.
സൂര്യാഘാതം: വ്യോമസേനയുടെ എയർഷോ കാണാനെത്തിയ അഞ്ചുപേര്‍ മരിച്ചു
