സൂര്യനഗരി എക്‌സ്‌പ്രസ് ട്രെയിനിന്റെ എട്ട് കോച്ചുകള്‍ പാളം തെറ്റി. 26 പേരെ പരിക്കുകളോടെ ആശുപത്രിയില്‍ പ്രവേശിപ്പിച്ചു. ഇന്നലെ പുലര്‍ച്ചെ മൂന്ന് മണിയോടെയായിരുന്നു സംഭവമെന്ന് അധികൃതര്‍ അറിയിച്ചു. ബാന്ദ്ര ടെര്‍മിനസില്‍ നിന്ന് ജോധ്പൂരിലേക്ക് പോകുകയായിരുന്നു ട്രെയിന്‍. സ്ഥിതിഗതികള്‍ വിലയിരുത്താന്‍ ഉന്നത ഉദ്യോഗസ്ഥര്‍ സ്ഥലത്തെത്തിയിട്ടുണ്ട്.
പന്ത്രണ്ടോളം ട്രെയിനുകള്‍ വഴിതിരിച്ചുവിടുകയും രണ്ട് ട്രെയിനുകള്‍ റദ്ദാക്കുകയും ചെയ്‌തു. മറ്റൊരു സംഭവത്തില്‍ മഡ്ഗാവ് എറണാകുളം എക്‌സ്പ്രസില്‍ തീപിടുത്തമുണ്ടായി. കര്‍ണാടകയില്‍ വച്ച്‌ രാത്രി 10. 45 ഓടെ S2 ബോഗിയുടെ അടിഭാഗത്തിനാണ് തീപിടിച്ചത്. യാത്രക്കാര്‍ അറിയിച്ചതിന് ശേഷം തീവണ്ടി നിര്‍ത്തി റെയില്‍വെ ജീവനക്കാര്‍ തീയണയ്ക്കുകയായിരുന്നു.
English Summary;Suryanagari Express train derailed
You may also like this video
