മഹാരാഷ്ട്രയിലെ താനെയില്‍ നടന്ന പൊതുറാലിയില്‍ വാളുമേന്തി പ്രകടനം നടത്തിയതിന് മഹാരാഷ്ട്ര നവ്നിര്‍മ്മാണ്‍ സേന (എംഎന്‍എസ്) നേതാവ് രാജ് താക്കറെയ്ക്കെതിരെ കേസെടുത്തു. താക്കറെയ്ക്കൊപ്പം ആയുധനിയമത്തിലെ സെക്ഷന്‍ 4,25 പ്രകാരം പാര്‍ട്ടിയുടെ താനെ, പല്‍ഗാര്‍ ജില്ലാ മേധാവി അവിനാഷ് ജാദവ്, താനെ സിറ്റി തലവന്‍ രവീന്ദ്ര എന്നിവര്‍ക്കെതിരെയും കേസെടുത്തു.
ചൊവ്വാഴ്ച വൈകുന്നേരം ഗഡ്കരി ചൗകില്‍ നടന്ന പൊതുറാലിയിലാണ് പ്രദേശിക പാര്‍ട്ടി നേതാക്കള്‍ താക്കറെയ്ക്ക് വാള്‍ കൈമാറിയത്. അതേസമയം മുസ്‌ലിം പള്ളികളില്‍ നിന്ന് മെയ് മൂന്നിനകം ഉച്ചഭാഷിണികള്‍ നീക്കം ചെയ്യണമെന്ന് രാജ് താക്കറെ വീണ്ടും സര്‍ക്കാരിനോട് ആവശ്യപ്പെട്ടു. നടപടി ഉണ്ടായില്ലെങ്കില്‍, എംഎന്‍എസ് പ്രവര്‍ത്തകര്‍ പള്ളികള്‍ക്ക് മുന്നില്‍ ഹനുമാന്‍ ചാലിസ വായിക്കുമെന്നും അദ്ദേഹം ആവര്‍ത്തിച്ചു.
English summary;Sword-wielding performance; Case against Raj Thackeray
You may also like this video;
