താലൂക്ക് ഓഫീസിലെ തീപിടിത്തവുമായി ബന്ധപ്പെട്ട് ഒരാൾ കസ്റ്റഡിയിൽ. ആന്ധ്രാപ്രദേശ് സ്വദേശി നാരായണ സതീശാണ് കസ്റ്റഡിയിലായത്. താലൂക്ക് ഓഫീസ് പരിസരത്ത് മുമ്പും തീയിടാൻ ശ്രമിച്ചത് ഇയാളാണെന്ന് കണ്ടെത്തിയിട്ടുണ്ട്. അഞ്ചുദിവസം മുമ്പ് ഒരു കെട്ടിടത്തിൽ ഇയാൾ കയറുന്ന ദൃശ്യം സിസിടിവിയിൽ പതിഞ്ഞിരുന്നു. തുടർന്നാണ് ഇയാളെ കസ്റ്റഡിയിലെടുത്തത്.
മാനസിക വെല്ലുവിളി നേരിടുന്നയാളെന്നു സംശയിക്കുന്നു. പൊലീസിന്റെ ചോദ്യത്തിനു വ്യക്തമായ ഉത്തരം നൽകുന്നില്ല.
ക്രൈംബ്രാഞ്ച് ഡിവൈഎസ്‌പി ആർ ഹരിദാസന്റെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്. അട്ടിമറി സാധ്യതയടക്കം സംഘം പരിശോധിക്കുന്നുണ്ട്. ജില്ലാ കളക്ടറുടെയും എഡിഎമ്മിന്റെയും മേൽനോട്ടത്തിലാണ് അന്വേഷണം. ഇലക്ട്രിക്കൽ ഇൻസ്പെക്ടറടക്കം സ്ഥലത്ത് നടത്തിയ പരിശോധനയിൽ ഷോര്‍ട്ട് സർക്യൂട്ട് മൂലമല്ല അപകടം നടന്നതെന്ന നിഗമനത്തിലാണ് എത്തിയത്. അതേസമയം തിങ്കളാഴ്ച മുതൽ താൽക്കാലിക കെട്ടിടത്തിൽ താലൂക്ക് ഓഫീസ് പ്രവർത്തിക്കാനായി നടപടികൾ തുടങ്ങി. പൊതുജനങ്ങൾക്കായി ഹെൽപ് ഡെസ്കും പ്രവർത്തിക്കും.
English Summary: Taluk office fire: One in custody
You may like this video also
