തമിഴ്നാട്ടിലെ തിരുനെൽവേലിയിൽ പെട്രോൾ ബങ്കിൽ വഴക്ക് തടയാൻ ശ്രമിച്ചതിന് 33കാരനെ ക്രൂരമായി മർദ്ദിച്ച് കൊലപ്പെടുത്തി. കൊലപാതകത്തിൽ ഉൾപ്പെട്ട മൂന്നുപേരെ പൊലീസ് അറസ്റ്റ് ചെയ്തു.
ഒളിവിലുള്ള ഒരു പ്രതിക്കായി തിരച്ചിൽ തുടരുകയാണ്. തിരുനെൽവേലി ജില്ലയിലെ പനഗുഡി പട്ടണത്തിൽ നിന്നുള്ള കലൈചെൽവൻ എന്നയാളെയാണ് ക്രൂരമായി മര്ദ്ദിച്ച് കൊലപ്പെടുത്തിയത്.
പെട്രോൾ ബങ്കിലെ ജീവനക്കാരെ ഒരു സംഘം ആളുകള് ആക്രമിക്കുന്നത് തടയാൻ ശ്രമിക്കവെയാണ് കലൈചെൽവത്തിന് മര്ദ്ദനമേറ്റത്. പമ്പിൽ കൃത്രിമം കാണിച്ചെന്ന് ആരോപിച്ചാണ് ഇവര് ജീവനക്കാരുമായി വാക്കുതർക്കമുണ്ടായത്.
തർക്കം കൈയാങ്കളിയായതോടെയാണ് കലൈചെൽവൻ ഇടപെട്ടത്. ആശുപത്രിയിലേക്ക് പോകുന്നവഴിയാണ് കലൈചെല്വൻ മരിക്കുന്നത്. കലൈചെൽവനെ മർദിച്ച് കൊലപ്പെടുത്തുന്നതിന്റെ സിസിടിവി ദൃശ്യങ്ങളും പൊലീസ് ശേഖരിച്ചിട്ടുണ്ട്.
english summary; Tamil Nadu man killed for trying to stop fight at petrol bunk