ഉത്തർപ്രദേശിലെ ബസ്തിയിൽ സുഹൃത്തിനെ വിളിച്ചുവരുത്തി കൂട്ടബലാത്സംഗത്തിനിരയാക്കിയ സംഭവത്തില്‍ ഡോക്ടര്‍ അറസ്റ്റിലായി. ബസ്തി സദര്‍ കോട്വാലി പ്രദേശത്തെ ആശുപത്രിയിലെ ഡോക്ടറെയാണ് പൊലീസ് അറസ്റ്റ് ചെയ്തത്. സമൂഹമാധ്യമം വഴിയാണ് ഡോക്ടറെ പരിചയപ്പെട്ടതെന്ന് പരാതിക്കാരി പറഞ്ഞു. സെപ്റ്റംബര്‍ 27നാണ് സംഭവം. തന്നെ കാണാന്‍ ആശുപത്രിയില്‍ വരാന്‍ ഡോക്ടര്‍ ആവശ്യപ്പെട്ടതായും പിന്നീട് ഇയാള്‍ തന്റെ ഹോസ്റ്റലിലേക്ക് കൂട്ടിക്കൊണ്ടുപോയതായും യുവതി പരാതിയില്‍ പറയുന്നു. ഹോസ്റ്റല്‍ റൂമില്‍ ഇയാള്‍പുറമെ മറ്റ് രണ്ട് ഡോക്ടര്‍മാര്‍കൂടിയുണ്ടായിരുന്നുവെന്നും ഇവര്‍ മൂവരും ചേര്‍ന്നാണ് തന്നെ പീഡനത്തിനിരയാക്കിയതെന്നും യുവതി പൊലീസിന് നല്‍കിയ പരാതിയില്‍ പറയുന്നു.
ഒരു സ്വകാര്യ വിദ്യാഭ്യാസ സ്ഥാപനത്തിൽ അധ്യാപികയാണ് യുവതി. സംഭവത്തില്‍ ഡോക്ടറെ അറസ്റ്റ് ചെയ്തതായും കേസെടുത്ത് അന്വേഷണം ആരംഭിച്ചതായി പൊലീസ് പറഞ്ഞു.
English Summary: teacher gang Rap ed in UP; Doctor get arrested
You may also like this video
