യു ഡി എഫ് സർക്കാർ സ്റ്റാറ്റ്യൂട്ടറി പെൻഷൻ പിൻവലിച്ച് പങ്കാളിത്ത പെൻഷൻ അടിച്ചേൽപിച്ച വാർഷിക ദിനത്തിൽ ജോയിന്റ് കൗൺസിൽ നേതൃത്വത്തിലുള്ള അധ്യാപക സർവ്വീസ് സംഘടനാ സമരസമിതി കരിദിനമായി ആചരിച്ചു.
ജില്ലയിലെ മുഴുവൻ ജീവനക്കാരും കറുത്ത ബാഡ്ജ് ധരിച്ച് ജോലിക്ക് ഹാജരായി. കളക്ടറേറ്റിൽ നടന്ന പ്രതിഷേധ പ്രകടനം ജോയിന്റ് കൗൺസിൽ സംസ്ഥാന സെക്രട്ടറി പി എസ് സന്തോഷ് കുമാർ ഉദ്ഘാടനം ചെയ്തു. ജില്ലാ പ്രസിഡന്റ് എം അനിൽ കുമാർ അദ്ധ്യക്ഷതവഹിച്ചു. ജില്ലാ സെക്രട്ടറി വി എസ് സൂരജ് സ്വാഗതം പറഞ്ഞു. എം ആർ രാജേഷ്, രഘുലാൽ, പി സുരേഷ്, ആർ ജയചന്ദ്രൻ, ഷഹീർ ഷെരീഫ്, ധന്യാപൊന്നപ്പൻ, ശാരി എസ്, അനു ടി ആർ, പത്മകുമാർ, അഭിലാഷ് എന്നിവർ നേതൃത്വം നൽകി.