സാങ്കേതിക തകരാറിനെ തുടര്ന്ന് അടിയന്തര ലാന്ഡിങ് നടത്തി എയര് ഇന്ത്യ വിമാനം. അമൃത്സറിൽ നിന്ന് ബര്മിങ്ഹാമിലേക്ക് പുറപ്പെട്ട എയര് ഇന്ത്യ വിമാനമാണ് സാങ്കേതിക തകരാറിനെ തുടര്ന്ന് ബര്മിങ്ഹാമിൽ അടിയന്തര ലാന്ഡിങ് നടത്തിയത്. ലാന്ഡ് ചെയ്യുന്നതിന് തൊട്ടുമുമ്പ് ആര്എടി (റാം എയര് ടര്ബൈൻ) പുറത്തുവന്നതായി ശ്രദ്ധയിൽപ്പെടുകയായിരുന്നു.
തുടര്ന്ന് അടിയന്തര ലാന്ഡിങ് നടത്തുകയായിരുന്നു.വിമാനം സുരക്ഷിതമായി ലാന്ഡ് ചെയ്തു. യാത്രക്കാരെല്ലാം സുരക്ഷിതരാണെന്നും വിമാനത്തിൽ കൂടുതൽ പരിശോധന നടത്തുമെന്നും എയര് ഇന്ത്യ അറിയിച്ചു. ഇതേതുടര്ന്ന് ബര്മിങ്ഹാമിൽ നിന്ന് ഇന്ന് ഡല്ഹിയിലേക്കുള്ള എയര് ഇന്ത്യ വിമാനം റദ്ദാക്കി. ഇന്നലെയാണ് അമൃത്സറിൽ നിന്ന് ബര്മിങ്ഹാമിലേക്ക് എയര് ഇന്ത്യ വിമാനം യാത്ര തിരിച്ചത്.