ഇൻസ്റ്റാഗ്രാം റീൽസ് ചിത്രീകരിക്കുന്നതിനിടെ ട്രെയിനിടിച്ച് 14 കാരൻ മരിച്ചു. ഉത്തർപ്രദേശ് ബരാബങ്കി ജില്ലയിലെ ജഹാംഗീരാബാദ് രാജ് റയിൽവേ സ്റ്റേഷന് സമീപമായിരുന്നു അപകടം. ജഹാംഗീരാബാദ് പ്രദേശത്തെ തേരാ ദൗലത്പൂർ ഗ്രാമത്തിൽ താമസിക്കുന്ന 14 കാരനായ ഫർമാനാണ് മരിച്ചത്. വ്യാഴാഴ്ചയായിരുന്നു അപകടം.
മൂന്ന് സുഹൃത്തുക്കൾക്കൊപ്പം റെയിൽവേ ട്രാക്കിന് സമീപം വീഡിയോ ചിത്രീകരിക്കാൻ ശ്രമിക്കുന്നതിനിടെയാണ് അപകടം. ട്രെയിൻ വരുന്നത് ശ്രദ്ധിക്കാതെ പാളത്തിന് അടുത്തേക്ക് നടന്നെത്തിയ കുട്ടിയെ എക്സ്പ്രസ്സ് ട്രെയിൻ ഇടിക്കുകയായിരുന്നുവെന്നാണ് റിപ്പോർട്ട്.
English Summary: Teen struck by train while filming reel, dies
You may also like this video
