ജമ്മു കശ്മീരില്‍ ക്ഷേത്രത്തിലേക്ക് പോകുന്ന ബസ് തോട്ടിലേക്ക് മറിഞ്ഞ് ഏഴ് പേര്‍ക്ക് ദാരുണാന്ത്യം. 20ലധികം പേര്‍ക്ക് സംഭവത്തിൽ പരിക്കേറ്റു. ജമ്മു-പൂഞ്ച് ഹൈവേയില്‍ കാളി ധര്‍ മന്ദിറിന് സമീപമുള്ള തോട്ടിലേക്കാണ് ബസ് മറിഞ്ഞത്. യുപിയിലെ ഹത്രാസില്‍ നിന്നുള്ള യാത്രക്കാരാണ് ബസിലുണ്ടായിരുന്നത്. ജമ്മുവില്‍ നിന്ന് റിയാസി ജില്ലയിലെ ശിവ് ഖോരി ക്ഷേത്രത്തിലേക്ക് പോകും വഴിയാണ് അപകടമുണ്ടായത്.
ബസ് 150 അടി താഴ്ചയിലേക്ക് മറിയുകയായിരുന്നു എന്നാണ് സംഭവത്തിൽ പൊലീസ് പറയുന്നത്. നാട്ടുകാരും രക്ഷാ പ്രവർത്തകരും ചേർന്ന് ആളുകളെ ആശുപത്രിയിലേക്ക് മാറ്റികൊണ്ടിരിക്കുകയാണ്. മരണസംഖ്യ ഇനിയും കൂടാനാണ് സാധ്യതയുള്ളതെന്നാണ് റിപ്പോർട്ടുകൾ പറയുന്നു.
English Summary:Temple-bound bus overturns into stream in Jammu and Kashmir; 15 people died and more than 20 people were injured
You may also like this video
