നാളെ കർക്കടക വാവ്. ബലി തർപ്പണത്തിനായി സംസ്ഥാനത്തെ വിവിധ ക്ഷേത്രങ്ങള് ഒരുങ്ങിക്കഴിഞ്ഞു. തിരുവിതാംകൂർ ദേവസ്വം ബോർഡ് വിപുലമായ സൗകര്യങ്ങളൊരുക്കിയിട്ടുണ്ട്. ഭക്തർ കൂടുതലായി എത്തുന്ന തിരുവല്ലം പരശുരാമക്ഷേത്രം, ആലുവ ശിവക്ഷേത്രം, വർക്കല ജനാർദ്ദന സ്വാമി ക്ഷേത്രം,തിരുമുല്ലാവാരം ക്ഷേത്രം, കഠിനംകുളം ക്ഷേത്രം, ശംഖുംമുഖം ക്ഷേത്രം എന്നിവിടങ്ങളിലും വാവുബലി ചടങ്ങുകൾ നടക്കുന്ന മറ്റ് ക്ഷേത്രങ്ങളിലും കടവുകളിലുമാണ് ബലി തർപ്പണത്തിന് സംവിധാനങ്ങളൊരുക്കിയിരിക്കുന്നത്.
ഭൂരിഭാഗം ക്ഷേത്രങ്ങളിലും പുലർച്ചെ ആരംഭിക്കുന്ന തർപ്പണം ഉച്ച വരെ നീളും. പ്രധാന ക്ഷേത്രങ്ങളിൽ പുരോഹിതർ ഉൾപ്പടെ കൂടുതൽ ദേവസ്വം ജീവനക്കാരെ നിയോഗിച്ചു. സുഗമമായ ചടങ്ങുകൾക്കും, ഗതാഗതം, പാർക്കിങ്ങ് തുടങ്ങിയവയ്ക്കുമായി പൊലീസ് ഉൾപ്പെടെയുള്ള സർക്കാർ വകുപ്പുകളുമായും കെഎസ്ആർടിസിയുമായും സഹകരിച്ച് സൗകര്യങ്ങൾ ഏർപ്പെടുത്തിയിട്ടുണ്ട്. ഹരിത ചട്ടം പാലിച്ചാണ് ചടങ്ങുകൾ നടക്കുക.
English Summary: Temples ready for Bali tarpanam
You may also like this video
