ശ്രീനഗറിലെ ഈദ്ഗാഹിന് സമീപം ഭീകരർ നടത്തിയ വെടിവെപ്പിൽ ഒരു പൊലീസ് ഉദ്യോഗസ്ഥന് പരിക്കേറ്റു. ഇൻസ്‌പെക്ടർ മസ്‌റൂർ അഹമ്മദിനാണ് വെടിയേറ്റത്. പൊലീസും സുരക്ഷാ സേനയും പ്രദേശം വളഞ്ഞിട്ടുണ്ട്. ഭീകരരെ കണ്ടെത്തുന്നതിനായി സ്ഥലത്ത് തിരച്ചിൽ ആരംഭിച്ചു. പൊലീസ് പിസ്റ്റൾ ഉപയോഗിച്ചാണ് ഭീകരർ ആക്രമണം നടത്തിയതെന്നും ഉദ്യോഗസ്ഥനെ ആശുപത്രിയില്‍ പ്രവേശിപ്പിച്ചതായും കശ്മീര്‍ സോണ്‍ പൊലീസ് സമൂഹമാധ്യമത്തില്‍ കുറിച്ചു. സംഭവത്തില്‍ കേസ് രജിസ്റ്റര്‍ ചെയ്തതായും പൊലീസ് അറിയിച്ചു. കുട്ടികളുമായി ക്രിക്കറ്റ് കളിക്കുന്നതിനിടയിലാണ് പൊലീസുകാരന് വെടിയേറ്റതെന്നും അദ്ദേഹത്തിന്റെ ആരോഗ്യനില ഗുരുതരമായി തുടരുന്നതായും പിടിഐ റിപ്പോര്‍ട്ട് ചെയ്തു.
English Summary: Terror attack in Srinagar; A police officer was injured in the firing by terrorists
You may also like this video
