അഫ്ഗാനിസ്ഥാനില്‍ കാബൂളില്‍ ഭീകരാക്രമണം. ഗുരുദ്വാരയിലാണ് വെടിയുതിര്‍ന്നത്. ഐഎസ് ഭീകരര്‍ എന്ന് സംശയിക്കുന്നവരാണ് സംഭവത്തിന് പിന്നിലെന്ന് റിപ്പോര്‍ട്ട്. വെടിവെയ്പ്പില്‍ രണ്ട് പേര്‍ കൊല്ലപ്പെടുകയും ചെയ്തു. സംഭവത്തില്‍ ഇന്ത്യ ആശങ്ക അറിയിച്ചു. സ്ഥിതിഗതികള്‍ വിലയിരുത്തുന്നുവെന്ന് ഇന്ത്യന്‍ വിദേശകാര്യമന്ത്രാലയം അറിയിച്ചു.
കാബൂളിലെ കാര്‍ട്ടെ പര്‍വാന്‍ ഗുരുദ്വാരയിലാണ് സംഭവം. ഒരു പ്രകോപനവുമില്ലാതെ ഗുരുദ്വാരയില്‍ ഭീകരര്‍ വെടിയുതിര്‍ക്കുകയായിരുന്നു. സ്‌ഫോടനം നടന്നതായും റിപ്പോര്‍ട്ടുകളുണ്ട്. മരണസംഖ്യ സംബന്ധിച്ച് പൂര്‍ണമായി വ്യക്തത വന്നിട്ടില്ല. ഭീകരരും താലിബാന്‍ സൈന്യവും തമ്മില്‍ ഏറ്റുമുട്ടല്‍ തുടരുന്നതായാണ് റിപ്പോര്‍ട്ടുകള്‍.
English Summary:Terrorist attack on gurudwara in Kabul; Two were killed
You may also like this video
